ABELIANI vel ABELOITAE


ABELIANI vel ABELOITAE
ABELIANI vel ABELOITAE
Haeretici in agro Hipponensi sic dicti, erant coniuges, nec tamen consuetudine coniugali utebantur, sed puerum et puellam adoptabant, qui mortuis eâdem conditione succederent, ut narrat Augustinus ad Quod-vult-Deum. Haercs. 87. Nitebantur locô Pauli, 1 Cor. c. 7. v. 29. Οἱ ἔχοντες γυναῖκας, ὡς μὴ ἔχοντες ὦσι. At cur Sic dicti? Ab Abele, inquies. Ita Augustin. cunctanter, et ex relatu aliorum. Quod quis quaeso intellexerit, quum his haereticis non videatur quicquam fuisse commune cum Abele. Fallor, aut eo penetraverat fabula, quae totum Orientem iam pridem pervagata est, Adamum post Abelis necem ab uxore abstinuisse per annos 130? Ita Iudaei doctores. Inde autem Arabicum verbum ex Abele factum theabbala est ab uxore continere se. Giggeius Gap desc: Hebrew h. e. Adam ab Eva se abstinuit ob necem Abelis. Eodem exemplô Ablonii dici potuêre, qui ab uxoribus se continebant. Hoc certo certius, Punicam declinationem huic nomini Augustinum tribuisse. Bochart

Hofmann J. Lexicon universale. 1698.


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.